భారీ నష్టాల దిశగా 'ది ప్యారడైజ్'?

 భారీ అంచనాల నడుమ విడుదలైన ఈ సినిమా బాక్సాఫీస్ (Box Office) వద్ద ఆరంభంలో పెను సంచలనం సృష్టించినప్పటికీ, ప్రస్తుతం వసూళ్ల పరంగా ది ప్యారడైజ్ (the paradise) గడ్డు పరిస్థితులను ఎదుర్కొంటోంది. మొదటి రెండు రోజుల్లో నాని కెరీర్‌లోనే సరికొత్త రికార్డులు నమోదు చేసిన ఈ చిత్రం, ఆ తర్వాత పబ్లిక్ టాక్ ప్రభావంతో ఒక్కసారిగా డ్రాప్ అయింది.

అదిరిపోయే ఓపెనింగ్స్.. నాని కెరీర్‌లోనే బిగ్గెస్ట్ కలెక్షన్స్!

సినిమాపై ఉన్న విపరీతమైన హైప్ కారణంగా మొదటి రోజు వరల్డ్‌వైడ్ బాక్సాఫీస్ కలెక్షన్స్ (Worldwide Box Office Collections) ఏకంగా రూ. 88 కోట్ల గ్రాస్ వసూళ్లను నమోదు చేసి ట్రేడ్ వర్గాలను ఆశ్చర్యపరిచింది. రెండో రోజు కూడా అదే స్థాయి జోరును కొనసాగిస్తూ కేవలం రెండు రోజుల్లోనే 100 కోట్ల క్లబ్‌లో (100 Crore Club) అడుగుపెట్టింది. నాని సినీ ప్రయాణంలోనే అత్యంత వేగంగా ఈ ఫీట్ సాధించిన చిత్రంగా 'ది పారడైజ్' రికార్డు సృష్టించింది. శని, ఆదివారాలు వీకెండ్ కావడంతో ఫ్యామిలీ ఆడియన్స్, మాస్ జనాలు థియేటర్లకు రావడంతో తొలి వీకెండ్‌ ముగిసే సమయానికి రూ. 155 కోట్ల గ్రాస్ కలెక్షన్స్ సాధించినట్లు చిత్ర నిర్మాణ సంస్థ అధికారికంగా పోస్టర్ ద్వారా ప్రకటించింది.

 మంగళవారం భారీగా తగ్గిన వసూళ్లు!

అయితే తొలి రోజు నుంచే సాధారణ ప్రేక్షకుల్లో వినిపించిన మిక్స్‌డ్ టాక్ (Mixed Talk) సోమవారం నుంచి సినిమా వసూళ్లపై తీవ్ర ప్రభావం చూపించింది. ముఖ్యంగా మంగళవారం నాటికి సినిమా వసూళ్లలో దాదాపు 68 శాతం వరకు భారీ డ్రాప్ (Box Office Drop) కనిపించినట్లు ట్రేడ్ వర్గాల సమాచారం. తెలుగు రాష్ట్రాల్లోనే కాకుండా ఓవర్సీస్ (Overseas Collections) మరియు నార్త్ ఇండియా మార్కెట్లలో కూడా కలెక్షన్లు గణనీయంగా పడిపోయినట్లు సమాచారం.

రూ. 200 కోట్ల భారీ బడ్జెట్.. 50 కోట్ల నష్టాలు తప్పవా?

'ది పారడైజ్' సినిమాను రూ. 200 కోట్ల భారీ బడ్జెట్ (Movie Budget) తో నిర్మించారు. ఈ స్థాయి బడ్జెట్‌ను పరిగణనలోకి తీసుకుంటే, సినిమా క్లీన్ హిట్ లేదా బ్రేక్ ఈవెన్ (Break Even Target) సాధించాలంటే కనీసం రూ. 220 కోట్లకు పైగా షేర్ రాబట్టాల్సి ఉంటుంది. ఇప్పటివరకు సాధించిన రూ. 155 కోట్ల గ్రాస్ వసూళ్లతో పోలిస్తే, ఇంకా చాలా భాగం రికవరీ కావాల్సి ఉంది. వర్కింగ్ డేస్‌లో కలెక్షన్ల పరిస్థితి చూస్తుంటే, ఫుల్ రన్‌లో ఈ ప్రాజెక్ట్‌కు సుమారు రూ. 50 కోట్ల వరకు నష్టాలు (Distributor Losses) వాటిల్లే అవకాశం ఉందంటూ విశ్లేషణలు వెలువడుతున్నాయి.