SSC NOTIFICATION: 2536 ఉద్యోగాలు.. వెంటనే అప్లై చేయండి!

 

కేంద్ర ప్రభుత్వ శాఖల్లో ఉద్యోగం సాధించాలనుకునే యువతకు స్టాఫ్ సెలక్షన్ కమిషన్ (SSC) మంచి అవకాశాన్ని కల్పించింది. కంబైన్డ్ హయ్యర్ సెకండరీ లెవెల్ (CHSL - 10+2) పరీక్ష ద్వారా దేశవ్యాప్తంగా వివిధ మంత్రిత్వ శాఖలు, విభాగాల్లో ఖాళీగా ఉన్న 2,536 పోస్టుల భర్తీకి దరఖాస్తులను ఆహ్వానిస్తోంది. అర్హత, ఆసక్తి ఉన్న అభ్యర్థులు అక్టోబర్ 7 వరకు ఆన్‌లైన్ ద్వారా దరఖాస్తు చేసుకోవచ్చు.

ముఖ్యమైన పోస్టుల వివరాలు:

ఈ నోటిఫికేషన్ ద్వారా కేంద్ర ప్రభుత్వ కార్యాలయాల్లో క్రింది విభాగాల్లో నియామకాలు చేపట్టనున్నారు డేటా ఎంట్రీ ఆపరేటర్ (DEO), లోయర్ డివిజన్ క్లర్క్ (LDC), జూనియర్ సెక్రటేరియట్ అసిస్టెంట్ (JSA) వంటి పోస్టులను భర్తీ చేయనున్నారు.

విద్యార్హతలు:

LDC / JSA పోస్టులకు గుర్తింపు పొందిన బోర్డు నుంచి ఇంటర్మీడియట్ (10+2) లేదా దానికి సమానమైన విద్యార్హత కలిగి ఉండాలి. DEO పోస్టులకు సైన్స్ విభాగంలో ఇంటర్మీడియట్ పూర్తి చేసి, అందులో మ్యాథమెటిక్స్ (గణితం) ఒక సబ్జెక్టుగా చదివి ఉండాలి.

వయోపరిమితి:

అభ్యర్థుల వయస్సు 18 నుంచి 27 సంవత్సరాల మధ్య ఉండాలి. నిబంధనల ప్రకారం ఎస్సీ, ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాలు మరియు దివ్యాంగులకు గరిష్ట వయోపరిమితిలో సడలింపు ఉంటుంది.

ఎంపిక విధానం:

అభ్యర్థుల ఎంపిక పూర్తిగా రాతపరీక్షల ఆధారంగా జరుగుతుంది:

టైర్-1 (కంప్యూటర్ బేస్డ్ ఎగ్జామ్ - CBT)

టైర్-2 (మెయిన్స్ పరీక్ష & స్కిల్ టెస్ట్/టైపింగ్ టెస్ట్)

దరఖాస్తు విధానం: అభ్యర్థులు అధికారిక వెబ్‌సైట్ ద్వారా మాత్రమే ఆన్‌లైన్‌లో దరఖాస్తు చేసుకోవాల్సి ఉంటుంది.

దరఖాస్తుకు చివరి తేదీ: అక్టోబర్ 7.

అధికారిక వెబ్‌సైట్: ssc.gov.in